KRUNK

Sumarbústaðaeigendur eru alveg að fíla Krumma - bæði innandyra og utan, en hægt er að fá Krummann minn í útivistarvænum búningi og vinsælt að hengja hann upp undir mæni !

Stutt er síðan verslunin Made In Iceland var opnuð neðarlega á Laugaveginum innan um margar aðrar svipaðar verslanir sem selja íslenskt handverk á sömu slóðum í Reykjavík. Munurinn er samt sá, að Made In Iceland selur einungis vörur sem eru búnar til á Íslandi, ekki í Kína, ekki í Taiwan, ekki í Thailandi, sumsé harðduglegt íslenskt handverksfólk hér á ferð. Húrra segi ég fyrir þessu framtaki !!!

Kæru Krummvinir ! Í augnablikinu fæst enginn Krummi í Made in Iceland. Hafi einhver ætlað að leggja leið sína þangað í þeim tilgangi að hreppa einn, þá biðst ég velvirðingar og bið viðkomandi að hafa samband við mig á netfangið valdisvidarsdottir@simnet.is

Hlakka til þegar Krummi flýgur inn í Flóru í Listagili sem Kristín Þóra Kjartansdóttir og Hlynur Hallsson, lífskúnstnerar reka. Í Flóru eru yndislega fallegir munir og stefna eigendanna er að hafa sem mest umhverfisvænt. Þar eru reglulega haldnar sýningar og uppákomur á neðstu hæðinni, en í Flóru eru 3 hæðir. Vinnustofa og skrifstofa á efstu hæðinni, verslun á miðhæð og sýningarsalur á neðstu. Slóðin til þeirra er  http://www.facebook.com/flora.akureyri?ref=ts